ବ୍ୟାକରଣ ୭: ଟିପ୍ପଣୀ ଓ ଚିଠା ପ୍ରସ୍ତୁତି

ହରଗୌରୀ ଛକର ଗ୍ରାମ ମୁଖିଆ ଶ୍ରୀ (ନାମ)ଙ୍କ ଆବେଦନ ପତ୍ରଟି ଦେଖାଯାଉ। ଆବେଦନକାରୀ ନିଜ ବନ୍ଧୁକ ଅନୁଜ୍ଞାପତ୍ରର ନବୀକରଣ ପାଇଁ ନିବେଦନ କରିଛନ୍ତି। ତାଙ୍କ ପୂର୍ବବର୍ଷର ଲାଇସେନ୍ସର ଏକ ପ୍ରତିଲିପି ମଧ୍ୟ ସଂଯୁକ୍ତ କରିଛନ୍ତି। ହିଂସ୍ର ଜନ୍ତୁ ତଥା ଡକାୟତଙ୍କଠାରୁ ନିଜକୁ ରକ୍ଷା କରିବା ଉଦ୍ଦେଶ୍ୟରେ ସେ ବନ୍ଧୁକଟି ପାଖରେ ରଖିବାକୁ ଇଚ୍ଛା କରୁଛନ୍ତି। ଏହି ଅନୁଜ୍ଞାପତ୍ରର ନବୀକରଣ କରିବାରେ କୌଣସି ଆଇନଗତ ପ୍ରତିବନ୍ଧକ ନାହିଁ। ବିହିତ ଆଦେଶ ପାଇଁ ଉପସ୍ଥାପନ କରାଗଲା।
— ବରିଷ୍ଠ ସହାୟକ (ସ୍ୱାକ୍ଷର)

___ ବିଭାଗ / କାର୍ଯ୍ୟାଳୟ, ଭୁବନେଶ୍ୱର। ସଂଖ୍ୟା ___ ତାରିଖ ___
ପ୍ରାପକ: ଶ୍ରୀ ___ (ଠିକଣା)
ଏତ୍‌ଦ୍ୱାରା ତାଙ୍କୁ ଜଣାଇ ଦିଆଯାଉଛି ଯେ ସେ ___ ବେତନ ହାରରେ କାର୍ଯ୍ୟାଳୟର ___ ପଦରେ ନିଯୁକ୍ତି ପାଇଁ ମନୋନୀତ ହୋଇଛନ୍ତି। ସମୟକୁ ସମୟ ସରକାର ମଞ୍ଜୁର କରୁଥିବା ମହଙ୍ଗାଭତ୍ତା ଏହି ପଦ ପାଇଁ ପ୍ରଯୁଜ୍ୟ। ସେ ଏହି ଆଦେଶ ପାଇବା ପରଠାରୁ ସାତ ଦିନ ମଧ୍ୟରେ ପଦରେ ଯୋଗ ଦେବେ, ଅନ୍ୟଥା ଆଦେଶ ସ୍ୱତଃ ରଦ୍ଦ ହୋଇଯିବ।
ସ୍ୱାକ୍ଷର / ପଦବୀ

___ ବିଭାଗ, ଭୁବନେଶ୍ୱର। କାର୍ଯ୍ୟାଳୟ ଆଦେଶ। ସଂଖ୍ୟା ___ ତାରିଖ ___
ଶ୍ରୀ/ଶ୍ରୀମତୀ ___ (ପଦବୀ)ଙ୍କୁ ତିରିଶ ଦିନ ଅର୍ଜିତ ଛୁଟି ସମର୍ପଣ କରିବାକୁ ଏତଦ୍ୱାରା ଅନୁମତି ପ୍ରଦାନ କରାଯାଉଛି। ତାଙ୍କ ଏହି ଛୁଟି ସମର୍ପଣ ଆୟ ଯଦି ଆୟକର ଯୋଗ୍ୟ ହେଉଥାଏ, ତେବେ ଆବଶ୍ୟକ କାଟ ପରେ ସମ୍ପୂର୍ଣ୍ଣ ଦରମା ଓ ଭତ୍ତା ପାଇବେ।
ସ୍ୱାକ୍ଷର / ପଦବୀ

ନମୁନା: ଛାତ୍ରମାନଙ୍କ ଦାବି ଯୁକ୍ତିଯୁକ୍ତ ମନେହୁଏ। ଉପଲବ୍ଧ ସ୍ଥାନ ଓ ଆର୍ଥିକ ଅବସ୍ଥା ବିଚାର କରି ବିହିତ ଆଦେଶ ପାଇଁ ପ୍ରଧାନ ଶିକ୍ଷକଙ୍କ ନିକଟରେ ଉପସ୍ଥାପନ କରାଗଲା।

ନମୁନା: କାର୍ଯ୍ୟାଳୟରେ କର୍ମଚାରୀ ସଂଖ୍ୟା ବୃଦ୍ଧି ପାଇଥିବାରୁ ହିସାବ ରଖିବା ପାଇଁ ଏକ କମ୍ପ୍ୟୁଟରର ଆବଶ୍ୟକତା ଅଛି। ଅର୍ଥ ବିଭାଗର ଅନୁମତି ମଧ୍ୟ ମିଳିଯାଇଛି। ଉପଯୁକ୍ତ ଆଦେଶ ପାଇଁ ଉପସ୍ଥାପନ କରାଗଲା।

ସୂଚନା: କାର୍ଯ୍ୟାଳୟ, ସଂଖ୍ୟା, ତାରିଖ, କର୍ମଚାରୀଙ୍କ ନାମ-ପଦବୀ, ବେତନ ହାର, ଏକ ବର୍ଷ ନିରନ୍ତର ସେବା ପୂର୍ଣ୍ଣ ହୋଇଥିବା କାରଣରୁ ବାର୍ଷିକ ବେତନ ବୃଦ୍ଧି ମଞ୍ଜୁର — ଏହିସବୁ ଉଲ୍ଲେଖ କରି ସ୍ୱାକ୍ଷର ଓ ପଦବୀ ଦେଇ ଲେଖ।